【精明開源】系列 vol.1: 英國4大問卷平台・出糧及報稅全攻略 | 英鄰老慳

大家好，我是老慳！

身為「慳家軍」，我哋嘅口號不嬲都係「慳得一蚊得一蚊」。但係，淨係「節流」有時都唔夠，所以老慳決定開一個全新系列——【精明開源】！

你都同意啦，賺多啲，先可以洗多啲嘛 (或者儲多啲 😜)！嚟到英國，生活成本樣樣都係錢，如果可以喺空閒時間賺返少少外快，幫補吓買餸錢、甚至賺返杯咖啡，成個感覺都會好好多。

今次第一擊，我就同大家分享最易上手、唔需要咩特別技能嘅「秘撈」：做網上問卷！我會一次過拆解 4 個平台、問卷類型、點出糧、同埋（大家最關心嘅）報稅問題。

Prolific: 英國口碑最好。最正係只會推送你符合資格嘅調查，唔會嘥你時間。通常每份 £1-£4，儲夠 £5 就可以 PayPal 提現。
- 立即注册Prolific，開始賺錢
YouGov: 出名大公司，信譽良好，好多時事民生問卷。提款門檻高啲 (£50)，好多人當佢長期儲蓄，儲起獎勵等聖誕節用。
- 加入YouGov，參與問卷賺現金
AttaPoll: 手機 App，啱晒用零碎時間快速賺錢。提款門檻低 (約 £2.5-£3)，好快見到錢。
- 下載AttaPoll手機應用，快速賺錢
Qmee: 冇耐性儲分嘅朋友首選。佢最屈機係冇最低提款額！就算只係賺到 50p 都可以即時 PayPal 提現。
- 注册Qmee，隨時提現

唔使驚，唔會問你銀行密碼 🤣。主要分三大類：

‼️ 慳家軍天條：一定要誠實！
喺開始問卷前會有「篩選問題」（例如問你有冇養寵物）。千祈唔好為咗「中」份問卷而亂答，平台 Check 到你前後答案唔一致，係會 Ban Account 㗎！

賺完錢，點樣拎上手？主要有兩種方法：

💳 PayPal (最推薦)：
最多平台 (例如 Prolific, Qmee) 用嘅方法。啲錢會存入你嘅 PayPal 戶口，你可以再轉賬返去你嘅英國銀行戶口，基本上等同現金。所以，玩之前最好搞掂你個 UK PayPal 戶口先。
🎁 禮品卡 (Gift Cards)：
有啲平台 (例如 YouGov, AttaPoll) 會畀你揀換禮品卡，例如 Amazon, Tesco, Sainsbury's 呢啲超市 Vouchers。呢個都好實際，如果你本身就要去呢啲地方使錢，咁換 Vouchers 就等於慳返筆錢。

呢個係最重要嘅問題！賺外快好開心，但搞到稅務問題就「手尾長」喇。

⚠️ 重要免責聲明：
老慳唔係稅務專家！ 以下只係根據英國 HMRC 官網嘅一般指引分享，唔可以當係專業稅務意見。每個人嘅情況都唔同（例如你本身係咪 Self-employed），所以如果你有疑問，一定要自己上 HMRC 官網 睇清楚，或者搵專業會計師問。

好，免責聲明講完。一般嚟講，呢啲問卷收入喺英國算係 "Casual Earnings" (非固定收入) 或者 "Income from self-employment"。

你需要知道一個關鍵數字： £1,000

喺英國，每個人每年（一個 Tax Year，即係 4月6號至翌年4月5號）有 £1,000 嘅 "Trading Allowance" (交易免稅額)。
如果： 你喺一個稅務年度內，所有呢類「秘撈」（包括做問卷、Vinted 賣二手嘢、幫人剪草、做 Car boot sale 等等）嘅總收入 (Gross Income，即係未扣成本) 加埋唔超過 £1,000...
- ...咁你通常唔需要做任何嘢，唔需要同 HMRC 申報，亦唔需要註冊 Self Assessment。
如果： 你嘅總收入超過 £1,000...
- ...咁你就必須要註冊 Self Assessment，喺每年報稅時將呢筆收入申報畀 HMRC。