【電訊商陷阱】O2/Virgin Media 宣佈 2026 年新加價方式？老慳同你睇清：根本換湯唔換藥！

慳家軍注意！如果你係 O2 或者 Virgin Media (VMO2) 嘅客，或者考慮緊 join 佢哋，呢單新聞你一定要知！

有跟開老慳 post 都知，英國啲電訊商最鍾意玩「合約期內加價」，尤其係 VMO2，不嬲都係用*「RPI（零售物價指數）+ 3.9%」*呢條「辣招」嚟計加幅，RPI 高起上嚟，大家個個月費就硬食貴價，非常唔襟計！

*最近，VMO2 就出嚟「扮好人」，高調宣佈話要「改革」，由 2026 年 4 月開始，會停用 RPI，改為用 *CPI（消費物價指數）+ 3.9% 嚟加價。

表面上聽，CPI 通常都低過 RPI，好似係「皇恩浩蕩」？

1. 加就點都係加！
無論 CPI 係幾多，佢哋都鎖死咗要再加 3.9%！呢個做法只係由「加得好甘」變做「加得冇咁甘」，但你份約只會越用越貴，呢個係事實。
2. 英國監管局 Ofcom 根本唔 Buy！
呢個先係重點！其實英國個通訊管理局 Ofcom 已經講緊要立新例，禁止所有電訊商再用呢種「CPI + 百分比」嘅模糊加價方式。Ofcom 嘅原意係想電訊商喺簽約時，白紙黑字講明合約期內會加「幾多錢」（例如：£1.50），而唔係用一個浮動嘅百分比。VMO2 而家咁做，好有嫌疑係想喺新例全面實施前「偷步」，用個「睇落好啲」嘅 CPI 方案鎖死班新客。
3. 幾時生效？
呢個新嘅「CPI + 3.9%」條款，將會應用喺 2025 年春天開始簽新合約，或者升級 (upgrading) 嘅客戶。